Images Siri ya Mafanikio kwenye Mahusiano

Hakuna mtu asiependa kuwa na uhusiano wa kimapenzi mzuri na wenye afya, mimi binafsi napenda sana kuona watu wanapendana, huwa napata maumivu na wakati mwingine hasira ninaposikia au kupata kesi ya uhusiano au ndoa kuvunjika.

Wakati wa kufundwa mara zote niliambiwa kuwa ukizubaa mapenzi kati yako na mumeo hayatokuwa kama mtakavyoanza hivyo basi unahitaji kuwa mstari wa mbele kuhakikisha hakuna kuzoeana bali kujuana.

Sasa kwa vile Mfundaji mwenyewe alikuwa ni Hayati Bibi yangu aliezaliwa na kukua enzi za Mfumo Dume aliwakilisha somo kwangu kwa kusema “hakikisha unakuwa mstari wa mbele” lakini kutokana na maisha yalivyo sasa mimi nitasema kwako HAKIKISHENI (wake kwa waume) kuwa hamzoeani na badala yake mnajuana kiundani zaidi.

Uhusiano huwa mtamu kweli kweli unapoanza, hakuna hata mmoja kati yenu anaekumbushwa na mwenzie kufanya mambo/jambo, unajikuta tu unafanya mambo mazuri-mazuri kwa mpenzi wako, uhusiano unaendelea mnafikia mahali mnakubaliana kuishi pamoja part time(mf: mwisho wa wiki tu) au full time kwavile inakuwa ngumu sana kupitisha siku nzima bila kumuona Asali wa Moyo na baadae ndoa.

Baada ya kuishi pamoja au kufunga ndoa mmoja wenu au wote mnaanza kupunguza speed na hatimae inafikia mahali wote kwa pamoja mnajikuta mnadharau kufanya mambo mliokuwa mkifanyiana awali kwa sababu ya mapenzi......hatua hii ni mbaya sana na ndio huwa chanzo cha ugomvi au kutafuta mtu atakaekufanyia mambo bila kumkumbusha, hatua hii inaitwa KUZOEANA.
Baada ya kuzoeana na ku-miss hamasa, chachu ya mapenzi kutoka kwa mwenza wako, unaanza kulinganisha uhusiano wako na uhusiano wa watu wengine na kuanza kuona wivu na hata ku-wish kuwa mkeo au mumeo angekuwa kama yule au tungekuwa kama wale.

Itaendelea…….

Images FIKIRIA KIDIGO KUPATA MAFANIKIO MAKUBWA

Unaweza ukaona ni vigumu kufikiria kidogo na kufanya kidogo lakini nakuhakikishia kuwa inawezekana. Ukiwa na busara za kujaribu kwa kila jambo ulilinalo na kukuongoza kuelekea kwenye urahisi, kutokuwa na mawazo, kufanya kazi kwa bidii zitakupelekea kupata mafanikio. Zifuatazo ni hatua zitakazo kuongoza kufikia mafanikio yako;

Piga hatua ndogo;
Anza kwa kujiwekea lengo na kufikia lengo lako. Piga hatua kidogo dogo kuelekea kwenye lengo lako ulilojiwekea. Usifanye mambo kwa papala ukajikuta vitu muhimu ulivyo takiwa kuvifanya haujafanya. Nenda hatua kwa hatua unapokosea rudia hata mara nyingi ilimradi uweze fikia lengo lako.

 Kubali Makosa Madogo
Weka akilini kwamba ni rahisi kuosha kikombe kuliko ndoo. Kama ukifanya kosa dogo haitakuwa umekosea sana. Unaweza kutatua kosa hilo kwa urahisi na kwa uharaka zaidi kuliko ungekuwa umefikiria mawazo makubwa na pia kosa lingekuwa kubwa.

Tumia Muda Mdogo
Wakati unasikia uchovu au wasiwasi wakufanya jambo Fulani usijifanye unaumwa kichwa na kuchukua siku nzima. Tenga muda mchache wa kufanya jambo hilo na ukimaliza uendelee na shughuri zako zingine. Lazima litakuwa tatizo dogo na wewe inakubidi uchukue muda mdogo kutatua tatizo hilo.

Tambu Mabadiliko Madogo
Kama ulifikilia kidogo lazima yatajitokeza mabadiliko kidogo. Kwa kujiamini na hakika uwezo wako wa kufanya kazi utaongezeka. Utakuwa umeshajua urahisi unaopata na kulinganisha na wafanyakazi wengine. Utaona kwa kujifunza ujuzi mpya bila kujiangaisha na kuogopa. Uwezo wa kuongoza utaongezeka na utakuwa na uwezo wa kupata nafasi mpya na kuwa muangalifu wa kufanya kazi zako.

Pokea Mafanikio Kidogo
Badala ya kutangaza matangazo makubwa na kulipa hela kubwa wee fikiria kidogo nakupata mafanikio kidogo ambayo yatafanya ofisi yako ipendeze na kuridhika kwa ulichokipata, Kwa tabasamu, pongezana kwa kushikana mikono na maneno ya kupeana moyo kwa kufanikiwa kwa kile mlichotegemea kukipata. Anza kwa kujikubali mwenyewe hata kama hakuna mtu yeyote aliyejua nini umefanya. Jipe zawadi ndogo kwa kazi uliofanya.