Images TABIA ZITAKAZO KUFANYA USIPATE MAFANIKIO 2014

 

Leo nawaletea tabia zitakazo kufanya usipate mafanikio kama usipobadilika na kufanya vitu venye kuleta tija katika maisha yako. Epuka kufanya yafuatayo ili uweze kufanikiwa katika mwaka 2014

Imani Potofu

Ni mawazo yasiyo sahihi juu ya kitu Fulani au juu ya wewe mwenyewe. Mfano siwezi kutafuta kazi nje ya nchi. Imani potofu inakuwa kama ni kipingamizi kinacho kukatisha tama juu ya jambo Fulani amabalo unataka kulifanya. Ni muhimu kuepuka Imani potofu na kujua zaidi kuhusu imani hizo kama kweli unashauku ya kufanikiwa katika maisha yako. Imani potofu sio tu kuwa kipingamizi kwako pia inaangamiza maisha yako.

Vichocheo vya nje

Namna unavyo fikiria inamfanya mtu asadiki kwamba kila kitu kinatokea ni kwa matokeo ya vichocheo vya ndani na nje. Watu ambao hawajafanikiwa wana External locus control kama unataka mafanikio jifunze namna unavyo fikiria kutoka External locus control kwenda Internal locus control manake una amini kila kitu kinachotokea katika maisha yako unauwezo wa kuzuia kitokee au kisitokee.

Kutokuwa na msimamo

Watu ambao hawafanikiwi katika maisha yao ni wale wasio kuwa na msimamo au wepesi wakuvunyika moyo katika jambo fulani au shughuri fulani. Hutakiwi kukata tamaa hata kama haufaulu jambo moja unatakiwa kurudia mara kwa mara mpaka ufanikiwe.

Kutokubadilika

Husipo kuwa tayari kubadilika kutokana na mazingira ya sehemu husika itakuwa ngumu kufanikiwa katika maisha yako. Maana itakushinda kufanya kitu kingine kama cha kwanza kitakushinda. Jinsi utakavyo kuwa mwepesi wa kubadilika kutokana na hali utakayo kutana nao ndio jinsi utaweza kumudu maisha yako. Hukiwa mzito kudadilika ndivyo utakavyo shindwa kufanikiwa.

Kutokuwa na mpango mkakati

Mpango ni muhimu katika mafanikio yeyote yale. Kama hauna malengo au mpango utakao kuongoza hatua gani uzifuate ilikufikia lengo lako itakuwa ngumu sana kupata mafanikio hayo uliyojiwekea katika maisha yako. 

Kutojiamini

Kama haujiamini na kuwa na aibu itakuwa ni vigumu kutoa mawazo yako na kukata tamaa juu ya ndoto zako kama mtu akikuambia jambo lako halitafanikiwa. Utakuwa unaogopa na kupata mashaka na hata kupuuzia nafasi zitakazo kupeleka kwenye mafanikio. Kama unataka kuongeza nafasi ya kufanikiwa inakubidi uwe na hali ya kujiamini katika kijambo unalotaka kulifanya.

Upungufu wa rasilimali

Watu wangine wanakata tama kwa sababu hawana rasilimali za kutosha. Kama kweli unataka kufanikiwa utafanikiwa bila hata kuwa na rasilimali nyingi kwa hiyo usivunjike moyo. Unaweza kufanikiwa kwa rasilimali ndogo hizo ulizo nazo. Mfano unataka kufanya biashara wenye mtaji wa Tshs 1,000,000 na wewe una 500,000 unaweza anzisha biashara yako kwa hiyo 500,000 baadae mtaji ukikua utakuwa unaongeza mpaka itafikia huo mtaji ulio tarajia kufikia. Usivunyike moyo kama unaupungufu wa rasilimali.

Uwoga/ hofu

Uwoga utakufanya ushindwe kufikia malengo yako. Utakuwa unaogopa kufanya mambo yako kwa kuhofia watu au kuhofia kutofanikiwa kwa jambo hilo. Kwa hiyo uwoga wako ndio kikwazo chako kitakacho kuzuia kufikia malengo na mwisho wa siku utashindwa kufikia mafanikio uliyotarajia kupata.

Hukiepuka kuwa na tabia tajwa hapo juu basi mafanikio yatakuwa mkononi mwako. Kuwa makini kwa kila jambo unalotaka kufanya .