Images Fikiria hatari za kujaribu kupata marafiki katika Intaneti, Wengine hata huomba mzungumzie mambo machafu ili kujisisimua kingono..

Vijana wengi hutumia Intaneti kuanzisha na kuendeleza urafiki. Inasisimua kujua kwamba unaweza kukutana na watu kutoka sehemu mbalimbali za ulimwengu, watu ambao hungepata kuwajua kamwe. Unaweza kuwafanya watu wakuone vyovyote vile unavyotaka, Unapozungumza na mtu uso kwa uso, asipopendezwa nawe, hakuna lolote unaloweza kufanya.

Usipuuze Hatari

Bila shaka, watu fulani huona kwamba ni rahisi zaidi kuanzisha na kuendeleza urafiki katika Intaneti. Katika Intaneti unakuwa na ujasiri ambao kwa kawaida husingekuwa nao unapozungumza na mtu uso kwa uso. Ikiwa wewe ni mtu mwenye haya, unapowasiliana kupitia Intaneti, una nafasi ya kutosha kupanga mambo hususa utakayosema.”

Hata hivyo, kuna hatari za kuwasiliana kupitia Intaneti, na kuzipuuza kungekuwa upumbavu. Kwa mfano: Je, ungefumba macho yako huku ukitembea katika mtaa hatari? Kwa nini basi uzurure-zurure katika Intaneti bila kujali hatari zilizomo?

Fikiria hatari za kujaribu kupata marafiki katika Intaneti. wakati fulani utakuwa na mazoea ya kupiga stori na watu asiowajua katika Intaneti, Ni rahisi sana kuanzisha mazungumzo na watu wapotovu. Nyakati nyingine hata haichukui muda kabla ya mtu kuanza kusema mambo machafu au kuuliza maswali kama vile, Wengine hata huomba mzungumzie mambo machafu ili kujisisimua kingono.”

Namna gani ikiwa ni mazungumzo tu na rafiki unayemwamini? Bado unahitaji kuwa mwangalifu. “Unaweza kutumia muda mwingi sana ukizungumza na mtu wa jinsia tofauti, hata kama mtu huyo ni ‘rafiki tu, Kadiri unavyotumia muda mwingi zaidi ukimtumia mtu huyo ujumbe, ndivyo urafiki wenu unavyozidi kukua, nanyi mnaweza kuanza kuzungumzia mambo ya kimahaba.

Uwe Mwangalifu

Bila shaka, haimaanishi kwamba mawasiliano yote kwenye Intaneti ni mabaya. Ikiwa ndivyo unavyofanya, je, kuna mambo yoyote unayopaswa kujihadhari nayo? Fikiria mambo yanayofuata.

● Chunguza muda unaotumia katika Intaneti, na usiruhusu Intaneti ikuibie wakati wa kufanya mambo ya maana zaidi na epuka kuwasiliana mambo yasiyo ya maana mpaka usiku wa manane.

● Wasiliana tu na watu unaowajua. Watu wapotovu wana kawaida ya kutumia Intaneti wakitafuta vijana wanaoweza kudanganyika kwa urahisi.

● Uwe mwangalifu unapofanya mambo ya kibiashara. Uwe mwangalifu sana unapotoa habari zako za kibinafsi. Kosa dogo tu linaweza kufanya upoteze kila kitu.

● Unapowatumia marafiki wako picha, jiulize, ‘Je, picha hizo zinampendeza hata mungu, Epuka kutuma picha za nusu uchi kwa mtu usiye mjua kwenye internet. 

● Sawa na mazungumzo ya uso kwa uso, mazungumzo katika Intaneti yakianza kuingilia “mambo yasiyofaa,” yakomeshe.

● Unapotumia Intaneti, usiwe mnafiki hata kidogo. Ikiwa unawaficha wazazi wako jinsi ulivyo, basi kuna tatizo. Usifiche chochote kuwaonyesha wazazi wako unachokifanya kwenye Intaneti.

Ungependa kupata marafiki? Hilo ni jambo la kawaida. Wanadamu waliumbwa wafurahie ushirika wa wengine. Kwa hiyo, ikiwa unatamani kupata marafiki, unatenda kulingana na jinsi ulivyoumbwa! Hata hivyo, uwe mwangalifu unapochagua marafiki. Lakini uwe na hakika kwamba unaweza kupata marafiki wazuri ukitegemea viwango vya Neno la Mungu.