Images Siri ya kujifunza Lugha ya Kiingereza

“Kusema ni rahisi kuliko kutenda!” Ndivyo watu wengi husema juu ya kujifunza lugha ya kigeni, hasa baada ya kujaribu. Ni kweli kwamba, kujifunza lugha nyingine ni jambo gumu, bila kutia chumvi. Lakini wale ambao wamefanikiwa wanasema kwamba jitihada hiyo yastahili.

Utahitaji nini ili ufanikiwe kujifunza lugha ya kigeni? Wengi ambao wamefanya hivyo wanakazia mambo yafuatayo.

● Kichocheo. Unahitaji kichocheo—sababu ya kufuatia mradi wako. Wanafunzi wenye kichocheo kikubwa kwa kawaida hufanikiwa.

● Unyenyekevu. Usitazamie kutimiza mengi mno—huwezi kuepuka makosa, hasa mara ya kwanza. Watu watakucheka kwa hiyo hata wewe cheka. Unakuwa kama mtoto ajifunzaye kutembea. Mara nyingi utajikwaa, lakini lazima tu uamke na ujaribu tena.

● Subira. Miezi ya mwanzo itakuwa migumu, na nyakati nyingine uta taka hata kukata tamaa. Hakikisha unafanya maendeleo mpaka unapokumbuka yaliyopita.

● Mazoezi. Utaratibu wa kawaida utakusaidia kusema lugha mpya kwa ufasaha. Jaribu kujizoeza kila siku, hata kama ni kwa dakika chache tu. Kama vile kitabu kimoja kikuu kisemavyo, “‘mazoezi machache kwa ukawaida,’ ni afadhali kuliko ‘mengi lakini mara mojamoja.

Je, uko tayari kukubali ugumu wa kujifunza lugha ya kigeni? Ikiwa ndivyo, vifaa vifuatavyo vyaweza kuongeza ubora wa maendeleo yako.

● Kadi za kujifunzia. Kila moja ya hizo ina neno au kifungu cha maneno mbele na tafsiri yake nyuma. Ikiwa hazipatikani mahali unapoishi, unaweza kufanyiza zako mwenyewe kwa kutumia katalogi ya kadi.

● Kaseti na vidiokaseti za maagizo. Hizi zaweza kukusaidia usikie lugha ikisemwa kwa usahihi. Huku ukijaribu kwa maneno yanayo kutatiza kuyatamka.

● Programu za mawasiliano ya kompyuta. Baadhi ya hizo hukuruhusu urekodi sauti yako na kulinganisha matamshi yako na wasemaji wenyeji wa lugha hiyo.

● Redio na televisheni. Ikiwa kuna programu za redio au televisheni mahali penu zinazotumia lugha unayojifunza, kwa nini usifungulie na uone ni kadiri gani unaweza kujifunza?

● Magazeti na vitabu. Jaribu kusoma habari iliyochapishwa katika lugha mpya, ukihakikisha kwamba kiwango cha kuelewa si cha juu zaidi au cha chini zaidi.

Kuielewa Kabisa Lugha Hiyo

Bila shaka, baada ya muda mfupi au baadaye itakubidi uzungumze na wale wanaosema lugha hiyo. Huhitaji kusafiri nchi ya mbali. Badala yake, labda unaweza kutembelea kutaniko linalosema lugha ya kigeni.