Images Siri ya kuepuka watu wanao kukwaza kwenye kazi yako

Ulishawahi kufanya kazi na mtu msumbufu? Watu wasumbufu hukera sana pale ambapo unataka kufanya kazi zako nao wakakukwamisha kwa namna moja au nyingine kwa makusudi au bila kukusudia.Watu hawa wanaweza kukusumbua usiweze kufanya kazi zako kwa kukuingilia katika shughuli zako kwa mambo mengine. Asimia kubwa ya watu wanaokwamisha kazi zako ndio hao hao wanaochelewa kukamilisha mambo yao kulingana na ratiba, wanachelewa kwenye mikutano au makazini na wale wasiotoa ushirikiano kazini kwa kutowajibika na makosa wanayofanya.

Watu hawa huwezi kuwakwepa ila unaweza kutumia njia ambazo zitawafanya wasikusumbue  kwa kiasi fulani na kuendelea kufanya kazi zako kama kawaida.

Tumia njia hizi kuwamudu watu wasumbufu na wakwazaji.

1.Kuwa mtulivu.

-Unapokwazika kwaajili ya mtu fulani, jitahidi kutopandisha hasira lakini onyesha kuwa hujapendezwa na yeye kukukwamisha kufanya kazi zako. Mtu huyu pia anaweza kukusumbua kwa kukuingilia katika mambo yako pasipo ruhusa. Kufanya hivyo kutamfanya aweze kukusikiliza na kuwa mstaarabu kwa lile utakalomwambia. Lakini vilevile kuwa kwako mtulivu utaepusha kugombana au kupelekea nyinyi msivunje uhusiano wenu wa kikazi au kirafiki na kuwa pamoja.

2. Elewa dhamira yake.

-Naamini kila mtu anaweza kubadilika, hivyo kujua kwanini mtu fulani anakukwaza sana katika shughuli zako kutakusidia kutambua utakabiliana naye vipi au utamuelezeaje kuhusu kukukwaza kwake na kupelekea yeye kubadilika kama inawezekana. Jaribu kujua kwanini anakuwa hivyo na kwanini hataki kutoa ushirikiano wake kwako.

3.Mueleze kuhusu anavyokukwaza.

-Utapomweleza kuwa yeye si muungwana itakusaidia kuondoa kujilaumu kwanini hukumwambia ukweli kuhusu tabia yake lakini pia kwa kumwambia utamfanya abadilike na kufanya mambo yako kuwa rahisi.

4.Pata ushauri kutoka kwa watu wengine.

-Ongea na wanfanyakazi wenzako au rafiki zako kujua mawazo yao kuhusu namna ya kuwamudu watu wasumbufu. Kwa kuwashirikisha wanaweza kukupatia mbinu nzuri za  wao walizotumia katika kufanya kazi na watu wa namna hiyo. Jifunze kutoka kwao.

5.Wapuuze au achana nao.

-Ninachomaanisha hapa ni kwamba unapokwazika kwaajili ya watu wa namna hiyo puuza usumbufu wao kwa kutowapa nafasi ya kuendeleza tabia zao. Kwa kuwapuuza watajiuliza wenyewe kwa yale wanayofanya kuwa sio sahihi na kubadilika.

6. Wasaidie watakapo hitaji msaada kutoka kwako.

-Licha ya kuwa wamekukwaza katika mambo mengi, kwa kuwasaidia kuna uwezekano wa wao kubadilika kutokana na unavyowasaidia na kujifunza kutoka kwako.

7. Usichukulie usumbufu wao kama ni swala lako binafsi.

-Mara nyingi watu wa namna hiyo hukwaza pia na watu wengine katika mambo yao. Ukichukulia kukukwaza kwao kibinafsi utaumia kwa kuwaza kwanini wanakufanyia hivyo ni vyema uwaelewe na kuwaepuka kama ikiwezekana ili usikwazike  kwa kutofanya shughuli zako za msingi kwaajili yao.