Images Jinsi ya Kusikilizana Wapenzi

Unaweza kuepuka hali hiyo ya kutoelewana. Hata hivyo, kwanza unahitaji kujua ni nini kinachokufanya usisikie habari muhimu ambazo mwenzi wako anasema—hata ingawa unadhani kuwa unasikiliza.

Baadhi za sababu kwa nini humsikilizi mwenzi wako kwa makini wakati anaongea na wewe;

Umekengeushwa fikira au umechoka. Watoto wanapiga kelele, televisheni imefunguliwa kwa sauti ya juu, na unafikiria tatizo ulilokuwa nalo kazini. Sasa mwenzi wako anaanza kuongea nawe, akikueleza kwamba jioni mtakuwa na wageni. Unaitikia “sawa,” lakini kweli ulisikia kile ambacho mwenzi wako alisema? Yaelekea hukusikia.

Unakisia mambo. Unahisi kwamba kuna ujumbe fulani uliofichwa katika maneno ya mwenzi wako, na huenda isiwe hivyo. Kwa mfano, wazia mwenzi wako anasema hivi: “Umetumia wakati mwingi sana kufanya kazi ya ziada juma hili.” Nawe ukihisi unachambuliwa, unasema: “Hilo si kosa langu! Ninalazimika kufanya kazi saa za ziada kwa sababu unatumia pesa nyingi sana.” Mwenzi wako anajibu kwa hasira, “Sikuwa ninakulaumu!” Kumbe alitaka tu muwe pamoja mwisho-juma.

Unakimbilia kutafuta suluhisho. “Nyakati nyingine ninataka tu kueleza jinsi ninavyohisi lakini mwenzi wako hutaka kukuambia jinsi ya kutatua tatizo lako. Nia yako si kulitatua. Unataka tu ajue jinsi unavyohisi.” Tatizo ni nini? Akili ya mwenza wako inakazia fikira kutafuta suluhisho. Tokeo ni kwamba, huenda asisikie baadhi au maneno yote ambayo umesema.

Hata tatizo liwe nini, unawezaje kumsikiliza mwenzi wako kwa makini?

 Mkazie mwenzi wako fikira. Mwenzi wako ana jambo muhimu la kusema, je, uko tayari kusikiliza? Huenda sivyo. Huenda kwa wakati huu akili yako inafikiria mambo mengine. Ikiwa ndivyo, usijifanye unasikiliza. Ikiwezekana, acha jambo unalofanya na umkazie fikira mwenzi wako, au unaweza kumwomba mwenzi wako asubiri mpaka wakati utakapoweza kumsikiliza kwa makini

Mwenzi wako anapoongea, nyamaza na umsikilize. Ikiwa ni zamu yako kusikiliza, epuka kukimbilia kumkatiza au kumpinga. Utakuwa na zamu ya kuongea. Kwa wakati huu, wewe sikiliza tu.

Uliza maswali. Hilo litakufanya uelewe vizuri anayosema mwenzi wako. Penda Mpenzi wako anapouliza maswali. Hilo hunionyesha kuwa anapendezwa na jambo ninalosema.

Sikiliza ujumbe, si maneno tu. Angalia hisia zinazoonyeshwa na ishara za mwili, macho, na sauti. Neno “sawa” huenda likamaanisha “si sawa”—ikitegemea jinsi linavyosemwa. Maneno “Hakuna wakati ambapo wewe unanisaidia” huenda yakamaanisha “Nahisi mimi si muhimu kwako.” Jaribu kupata maana ya ujumbe, hata kama ujumbe wenyewe hausemwi. Usipofanya hivyo, huenda ukaanza kukisia maneno yaliyosemwa yalikuwa na maana gani.

Endelea kusikiliza. Usiache kusikiliza au usiondoke hata kama hupendezwi na mambo unayosikia. Kwa mfano, vipi ikiwa mwenzi wako anakuchambua? Endelea kusikiliza, Fikiria kwa uzito maneno ambayo mwenzi wako anasema. Hilo linahitaji ukomavu, lakini utafaidika sana.

Pendezwa kikweli na mwenzi wako. Kusikiliza kwa makini si mbinu tu, bali ni tendo la upendo. Ikiwa unapendezwa kikweli na yale ambayo mwenzi wako anasema, itakuwa rahisi kwako kusikiliza na utafanya hivyo bila kulazimishwa. Pasiwe na mtu anayetafuta faida yake mwenyewe tu bali faida ya mwenzake.